אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 10/03/2024
| פסוק | ביאור | |
|---|---|---|
| א | ויהי אחרי הדברים האלה ויאמר ליוסף הנה אביך חלה ויקח את-שני בניו עמו את-מנשה ואת-אפרים. | יש ביאור - קראו וערכו אותו |
| ב | ויגד ליעקב ויאמר הנה בנך יוסף בא אליך ויתחזק ישראל וישב על-המטה. | יש ביאור - קראו וערכו אותו |
| ג | ויאמר יעקב אל-יוסף אל שדי נראה-אלי בלוז בארץ כנען ויברך אתי. | יש ביאור - קראו וערכו אותו |
| ד | ויאמר אלי הנני מפרך והרביתך ונתתיך לקהל עמים ונתתי את-הארץ הזאת לזרעך אחריך אחזת עולם. | יש ביאור - קראו וערכו אותו |
| ה | ועתה שני-בניך הנולדים לך בארץ מצרים עד-באי אליך מצרימה לי-הם אפרים ומנשה כראובן ושמעון יהיו-לי. | יש ביאור - קראו וערכו אותו |
| ו | ומולדתך אשר-הולדת אחריהם לך יהיו על שם אחיהם יקראו בנחלתם. | יש ביאור - קראו וערכו אותו |
| ז | ואני בבאי מפדן מתה עלי רחל בארץ כנען בדרך בעוד כברת-ארץ לבא אפרתה ואקברה שם בדרך אפרת הוא בית לחם. | יש ביאור - קראו וערכו אותו |
| ח | וירא ישראל את-בני יוסף ויאמר מי-אלה. | יש ביאור - קראו וערכו אותו |
| ט | ויאמר יוסף אל-אביו בני הם אשר-נתן-לי אלהים בזה ויאמר קחם-נא אלי ואברכם. | יש ביאור - קראו וערכו אותו |
| י | ועיני ישראל כבדו מזקן לא יוכל לראות ויגש אתם אליו וישק להם ויחבק להם. | יש ביאור - קראו וערכו אותו |
| יא | ויאמר ישראל אל-יוסף ראה פניך לא פללתי והנה הראה אתי אלהים גם את-זרעך. | יש ביאור - קראו וערכו אותו |
| יב | ויוצא יוסף אתם מעם ברכיו וישתחו לאפיו ארצה. | יש ביאור - קראו וערכו אותו |
| יג | ויקח יוסף את-שניהם את-אפרים בימינו משמאל ישראל ואת-מנשה בשמאלו מימין ישראל ויגש אליו. | יש ביאור - קראו וערכו אותו |
| יד | וישלח ישראל את-ימינו וישת על-ראש אפרים והוא הצעיר ואת-שמאלו על-ראש מנשה שכל את-ידיו כי מנשה הבכור. | יש ביאור - קראו וערכו אותו |
| טו | ויברך את-יוסף ויאמר האלהים אשר התהלכו אבתי לפניו אברהם ויצחק האלהים הרעה אתי מעודי עד-היום הזה. | יש ביאור - קראו וערכו אותו |
| טז | המלאך הגאל אתי מכל-רע יברך את-הנערים ויקרא בהם שמי ושם אבתי אברהם ויצחק וידגו לרב בקרב הארץ. | יש ביאור - קראו וערכו אותו |
| יז | וירא יוסף כי-ישית אביו יד-ימינו על-ראש אפרים וירע בעיניו ויתמך יד-אביו להסיר אתה מעל ראש-אפרים על-ראש מנשה. | יש ביאור - קראו וערכו אותו |
| יח | ויאמר יוסף אל-אביו לא-כן אבי כי-זה הבכר שים ימינך על-ראשו. | יש ביאור - קראו וערכו אותו |
| יט | וימאן אביו ויאמר ידעתי בני ידעתי גם-הוא יהיה-לעם וגם-הוא יגדל ואולם אחיו הקטן יגדל ממנו וזרעו יהיה מלא-הגוים. | יש ביאור - קראו וערכו אותו |
| כ | ויברכם ביום ההוא לאמור בך יברך ישראל לאמר ישמך אלהים כאפרים וכמנשה וישם את-אפרים לפני מנשה. | יש ביאור - קראו וערכו אותו |
| כא | ויאמר ישראל אל-יוסף הנה אנכי מת והיה אלהים עמכם והשיב אתכם אל-ארץ אבתיכם. | יש ביאור - קראו וערכו אותו |
| כב | ואני נתתי לך שכם אחד על-אחיך אשר לקחתי מיד האמרי בחרבי ובקשתי. | יש ביאור - קראו וערכו אותו |