אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 10/03/2024
| פסוק | ביאור | |
|---|---|---|
| א | ויעשו בני-ישראל הרע בעיני יהוה ויתנם יהוה ביד-מדין שבע שנים. | אין ביאור עדיין - כתבו ביאור חדש |
| ב | ותעז יד-מדין על-ישראל מפני מדין עשו להם בני ישראל את-המנהרות אשר בהרים ואת-המערות ואת-המצדות. | אין ביאור עדיין - כתבו ביאור חדש |
| ג | והיה אם-זרע ישראל ועלה מדין ועמלק ובני-קדם ועלו עליו. | אין ביאור עדיין - כתבו ביאור חדש |
| ד | ויחנו עליהם וישחיתו את-יבול הארץ עד-בואך עזה ולא-ישאירו מחיה בישראל ושה ושור וחמור. | אין ביאור עדיין - כתבו ביאור חדש |
| ה | כי הם ומקניהם יעלו ואהליהם יבאו כדי-ארבה לרב ולהם ולגמליהם אין מספר ויבאו בארץ לשחתה. | אין ביאור עדיין - כתבו ביאור חדש |
| ו | וידל ישראל מאד מפני מדין ויזעקו בני-ישראל אל-יהוה. | אין ביאור עדיין - כתבו ביאור חדש |
| ז | ויהי כי-זעקו בני-ישראל אל-יהוה על אדות מדין. | אין ביאור עדיין - כתבו ביאור חדש |
| ח | וישלח יהוה איש נביא אל-בני ישראל ויאמר להם כה-אמר יהוה אלהי ישראל אנכי העליתי אתכם ממצרים ואציא אתכם מבית עבדים. | אין ביאור עדיין - כתבו ביאור חדש |
| ט | ואצל אתכם מיד מצרים ומיד כל-לחציכם ואגרש אותם מפניכם ואתנה לכם את-ארצם. | אין ביאור עדיין - כתבו ביאור חדש |
| י | ואמרה לכם אני יהוה אלהיכם לא תיראו את-אלהי האמרי אשר אתם יושבים בארצם ולא שמעתם בקולי. | יש ביאור - קראו וערכו אותו |
| יא | ויבא מלאך יהוה וישב תחת האלה אשר בעפרה אשר ליואש אבי העזרי וגדעון בנו חבט חטים בגת להניס מפני מדין. | אין ביאור עדיין - כתבו ביאור חדש |
| יב | וירא אליו מלאך יהוה ויאמר אליו יהוה עמך גבור החיל. | אין ביאור עדיין - כתבו ביאור חדש |
| יג | ויאמר אליו גדעון בי אדני ויש יהוה עמנו ולמה מצאתנו כל-זאת ואיה כל-נפלאתיו אשר ספרו-לנו אבותינו לאמר הלא ממצרים העלנו יהוה ועתה נטשנו יהוה ויתננו בכף-מדין. | אין ביאור עדיין - כתבו ביאור חדש |
| יד | ויפן אליו יהוה ויאמר לך בכחך זה והושעת את-ישראל מכף מדין הלא שלחתיך. | אין ביאור עדיין - כתבו ביאור חדש |
| טו | ויאמר אליו בי אדני במה אושיע את-ישראל הנה אלפי הדל במנשה ואנכי הצעיר בבית אבי. | אין ביאור עדיין - כתבו ביאור חדש |
| טז | ויאמר אליו יהוה כי אהיה עמך והכית את-מדין כאיש אחד. | אין ביאור עדיין - כתבו ביאור חדש |
| יז | ויאמר אליו אם-נא מצאתי חן בעיניך ועשית לי אות שאתה מדבר עמי. | אין ביאור עדיין - כתבו ביאור חדש |
| יח | אל-נא תמש מזה עד-באי אליך והצאתי את-מנחתי והנחתי לפניך ויאמר אנכי אשב עד שובך. | אין ביאור עדיין - כתבו ביאור חדש |
| יט | וגדעון בא ויעש גדי-עזים ואיפת-קמח מצות הבשר שם בסל והמרק שם בפרור ויוצא אליו אל-תחת האלה ויגש. | אין ביאור עדיין - כתבו ביאור חדש |
| כ | ויאמר אליו מלאך האלהים קח את-הבשר ואת-המצות והנח אל-הסלע הלז ואת-המרק שפוך ויעש כן. | אין ביאור עדיין - כתבו ביאור חדש |
| כא | וישלח מלאך יהוה את-קצה המשענת אשר בידו ויגע בבשר ובמצות ותעל האש מן-הצור ותאכל את-הבשר ואת-המצות ומלאך יהוה הלך מעיניו. | אין ביאור עדיין - כתבו ביאור חדש |
| כב | וירא גדעון כי-מלאך יהוה הוא ויאמר גדעון אהה אדני יהוה כי-על-כן ראיתי מלאך יהוה פנים אל-פנים. | אין ביאור עדיין - כתבו ביאור חדש |
| כג | ויאמר לו יהוה שלום לך אל-תירא לא תמות. | אין ביאור עדיין - כתבו ביאור חדש |
| כד | ויבן שם גדעון מזבח ליהוה ויקרא-לו יהוה שלום עד היום הזה עודנו בעפרת אבי העזרי. | אין ביאור עדיין - כתבו ביאור חדש |
| כה | ויהי בלילה ההוא ויאמר לו יהוה קח את-פר-השור אשר לאביך ופר השני שבע שנים והרסת את-מזבח הבעל אשר לאביך ואת-האשרה אשר-עליו תכרת. | יש ביאור - קראו וערכו אותו |
| כו | ובנית מזבח ליהוה אלהיך על ראש המעוז הזה במערכה ולקחת את-הפר השני והעלית עולה בעצי האשרה אשר תכרת. | אין ביאור עדיין - כתבו ביאור חדש |
| כז | ויקח גדעון עשרה אנשים מעבדיו ויעש כאשר דבר אליו יהוה ויהי כאשר ירא את-בית אביו ואת-אנשי העיר מעשות יומם ויעש לילה. | אין ביאור עדיין - כתבו ביאור חדש |
| כח | וישכימו אנשי העיר בבקר והנה נתץ מזבח הבעל והאשרה אשר-עליו כרתה ואת הפר השני העלה על-המזבח הבנוי. | אין ביאור עדיין - כתבו ביאור חדש |
| כט | ויאמרו איש אל-רעהו מי עשה הדבר הזה וידרשו ויבקשו ויאמרו גדעון בן-יואש עשה הדבר הזה. | אין ביאור עדיין - כתבו ביאור חדש |
| ל | ויאמרו אנשי העיר אל-יואש הוצא את-בנך וימת כי נתץ את-מזבח הבעל וכי כרת האשרה אשר-עליו. | אין ביאור עדיין - כתבו ביאור חדש |
| לא | ויאמר יואש לכל אשר-עמדו עליו האתם תריבון לבעל אם-אתם תושיעון אותו אשר יריב לו יומת עד-הבקר אם-אלהים הוא ירב לו כי נתץ את-מזבחו. | אין ביאור עדיין - כתבו ביאור חדש |
| לב | ויקרא-לו ביום-ההוא ירבעל לאמר ירב בו הבעל כי נתץ את-מזבחו. | אין ביאור עדיין - כתבו ביאור חדש |
| לג | וכל-מדין ועמלק ובני-קדם נאספו יחדו ויעברו ויחנו בעמק יזרעאל. | אין ביאור עדיין - כתבו ביאור חדש |
| לד | ורוח יהוה לבשה את-גדעון ויתקע בשופר ויזעק אביעזר אחריו. | אין ביאור עדיין - כתבו ביאור חדש |
| לה | ומלאכים שלח בכל-מנשה ויזעק גם-הוא אחריו ומלאכים שלח באשר ובזבלון ובנפתלי ויעלו לקראתם. | אין ביאור עדיין - כתבו ביאור חדש |
| לו | ויאמר גדעון אל-האלהים אם-ישך מושיע בידי את-ישראל כאשר דברת. | אין ביאור עדיין - כתבו ביאור חדש |
| לז | הנה אנכי מציג את-גזת הצמר בגרן אם טל יהיה על-הגזה לבדה ועל-כל-הארץ חרב וידעתי כי-תושיע בידי את-ישראל כאשר דברת. | אין ביאור עדיין - כתבו ביאור חדש |
| לח | ויהי-כן וישכם ממחרת ויזר את-הגזה וימץ טל מן-הגזה מלוא הספל מים. | אין ביאור עדיין - כתבו ביאור חדש |
| לט | ויאמר גדעון אל-האלהים אל-יחר אפך בי ואדברה אך הפעם אנסה נא-רק-הפעם בגזה יהי-נא חרב אל-הגזה לבדה ועל-כל-הארץ יהיה-טל. | אין ביאור עדיין - כתבו ביאור חדש |
| מ | ויעש אלהים כן בלילה ההוא ויהי-חרב אל-הגזה לבדה ועל-כל-הארץ היה טל. | אין ביאור עדיין - כתבו ביאור חדש |