אחת המשימות של 'אתר הניווט בתנ"ך' היא ליצור לכל פסוק דף שבו יהיה סיכום של כל הפירושים על הפסוק, על-מנת לעזור לכל מי שמגיע לפסוק 'לנווט' בקלות בין שלל הפירושים. דף זה מסכם את התקדמות הפרוייקט לפי פרקים וספרים. השאיפה היא שכל האדום יהפוך לירוק. הדף מעודכן לתאריך: 10/03/2024
| פסוק | ביאור | |
|---|---|---|
| א | בן-עשרים וחמש שנה מלך אמציהו ועשרים ותשע שנה מלך בירושלם ושם אמו יהועדן מירושלים. | אין ביאור עדיין - כתבו ביאור חדש |
| ב | ויעש הישר בעיני יהוה רק לא בלבב שלם. | אין ביאור עדיין - כתבו ביאור חדש |
| ג | ויהי כאשר חזקה הממלכה עליו ויהרג את-עבדיו המכים את-המלך אביו. | אין ביאור עדיין - כתבו ביאור חדש |
| ד | ואת-בניהם לא המית כי ככתוב בתורה בספר משה אשר-צוה יהוה לאמר לא-ימותו אבות על-בנים ובנים לא-ימותו על-אבות כי איש בחטאו ימותו. | אין ביאור עדיין - כתבו ביאור חדש |
| ה | ויקבץ אמציהו את-יהודה ויעמידם לבית-אבות לשרי האלפים ולשרי המאות לכל-יהודה ובנימן ויפקדם למבן עשרים שנה ומעלה וימצאם שלש-מאות אלף בחור יוצא צבא אחז רמח וצנה. | אין ביאור עדיין - כתבו ביאור חדש |
| ו | וישכר מישראל מאה אלף גבור חיל במאה ככר-כסף. | אין ביאור עדיין - כתבו ביאור חדש |
| ז | ואיש האלהים בא אליו לאמר המלך אל-יבא עמך צבא ישראל כי אין יהוה עם-ישראל כל בני אפרים. | אין ביאור עדיין - כתבו ביאור חדש |
| ח | כי אם-בא אתה עשה חזק למלחמה יכשילך האלהים לפני אויב כי יש-כח באלהים לעזור ולהכשיל. | אין ביאור עדיין - כתבו ביאור חדש |
| ט | ויאמר אמציהו לאיש האלהים ומה-לעשות למאת הככר אשר נתתי לגדוד ישראל ויאמר איש האלהים יש ליהוה לתת לך הרבה מזה. | אין ביאור עדיין - כתבו ביאור חדש |
| י | ויבדילם אמציהו להגדוד אשר-בא אליו מאפרים ללכת למקומם ויחר אפם מאד ביהודה וישובו למקומם בחרי-אף. | אין ביאור עדיין - כתבו ביאור חדש |
| יא | ואמציהו התחזק וינהג את-עמו וילך גיא המלח ויך את-בני-שעיר עשרת אלפים. | אין ביאור עדיין - כתבו ביאור חדש |
| יב | ועשרת אלפים חיים שבו בני יהודה ויביאום לראש הסלע וישליכום מראש-הסלע וכלם נבקעו. | אין ביאור עדיין - כתבו ביאור חדש |
| יג | ובני הגדוד אשר השיב אמציהו מלכת עמו למלחמה ויפשטו בערי יהודה משמרון ועד-בית חורון ויכו מהם שלשת אלפים ויבזו בזה רבה. | אין ביאור עדיין - כתבו ביאור חדש |
| יד | ויהי אחרי בוא אמציהו מהכות את-אדומים ויבא את-אלהי בני שעיר ויעמידם לו לאלהים ולפניהם ישתחוה ולהם יקטר. | אין ביאור עדיין - כתבו ביאור חדש |
| טו | ויחר-אף יהוה באמציהו וישלח אליו נביא ויאמר לו למה דרשת את-אלהי העם אשר לא-הצילו את-עמם מידך. | אין ביאור עדיין - כתבו ביאור חדש |
| טז | ויהי בדברו אליו ויאמר לו הליועץ למלך נתנוך חדל-לך למה יכוך ויחדל הנביא ויאמר ידעתי כי-יעץ אלהים להשחיתך כי-עשית זאת ולא שמעת לעצתי. | אין ביאור עדיין - כתבו ביאור חדש |
| יז | ויועץ אמציהו מלך יהודה וישלח אל-יואש בן-יהואחז בן-יהוא מלך ישראל לאמר לך נתראה פנים. | אין ביאור עדיין - כתבו ביאור חדש |
| יח | וישלח יואש מלך-ישראל אל-אמציהו מלך-יהודה לאמר החוח אשר בלבנון שלח אל-הארז אשר בלבנון לאמר תנה-את-בתך לבני לאשה ותעבר חית השדה אשר בלבנון ותרמס את-החוח. | אין ביאור עדיין - כתבו ביאור חדש |
| יט | אמרת הנה הכית את-אדום ונשאך לבך להכביד עתה שבה בביתך למה תתגרה ברעה ונפלת אתה ויהודה עמך. | אין ביאור עדיין - כתבו ביאור חדש |
| כ | ולא-שמע אמציהו כי מהאלהים היא למען תתם ביד כי דרשו את אלהי אדום. | אין ביאור עדיין - כתבו ביאור חדש |
| כא | ויעל יואש מלך-ישראל ויתראו פנים הוא ואמציהו מלך-יהודה בבית שמש אשר ליהודה. | אין ביאור עדיין - כתבו ביאור חדש |
| כב | וינגף יהודה לפני ישראל וינסו איש לאהליו. | אין ביאור עדיין - כתבו ביאור חדש |
| כג | ואת אמציהו מלך-יהודה בן-יואש בן-יהואחז תפש יואש מלך-ישראל בבית שמש ויביאהו ירושלם ויפרץ בחומת ירושלם משער אפרים עד-שער הפונה ארבע מאות אמה. | אין ביאור עדיין - כתבו ביאור חדש |
| כד | וכל-הזהב והכסף ואת כל-הכלים הנמצאים בבית-האלהים עם-עבד אדום ואת-אצרות בית המלך ואת בני התערבות וישב שמרון. | אין ביאור עדיין - כתבו ביאור חדש |
| כה | ויחי אמציהו בן-יואש מלך יהודה אחרי מות יואש בן-יהואחז מלך ישראל חמש עשרה שנה. | אין ביאור עדיין - כתבו ביאור חדש |
| כו | ויתר דברי אמציהו הראשנים והאחרונים הלא הנם כתובים על-ספר מלכי-יהודה וישראל. | אין ביאור עדיין - כתבו ביאור חדש |
| כז | ומעת אשר-סר אמציהו מאחרי יהוה ויקשרו עליו קשר בירושלם וינס לכישה וישלחו אחריו לכישה וימיתהו שם. | אין ביאור עדיין - כתבו ביאור חדש |
| כח | וישאהו על-הסוסים ויקברו אתו עם-אבתיו בעיר יהודה. | אין ביאור עדיין - כתבו ביאור חדש |