ישי = נחש

קוד: ישי= בתנ"ך

סוג: הגדרה

מאת: אביתר כהן

אל:

דברי הימים א פרק ב פסוק יג-יז:

ואישי {ישי} הוליד את-בכרו את-אליאב ואבינדב השני ושמעא השלשי:

נתנאל הרביעי רדי החמישי: אצם הששי דויד השבעי:

ואחיתיהם צרויה ואביגיל ובני צרויה אבשי ויואב ועשה-אל שלשה:

ואביגיל ילדה את-עמשא ואבי עמשא יתר הישמעאלי:

שמואל ב פרק יז פסוק כה:

ואת-עמשא   שם   אבשלם   תחת   יואב   על-הצבא   ועמשא בן-איש

ושמו יתרא הישראלי אשר-בא אל- אביגל בת- נחש אחות צרויה אם יואב:

ישעיה פרק יא פסוק א-י:

ויצא חטר מגזע ישי ונצר משרשיו יפרה :

ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה:

והריחו ביראת יהוה ולא-למראה עיניו ישפוט ולא-למשמע אזניו יוכיח:

ושפט בצדק דלים והוכיח במישור לענוי-ארץ והכה-ארץ בשבט פיו וברוח שפתיו ימית רשע:

והיה צדק אזור מתניו והאמונה אזור חלציו:

וגר זאב עם-כבש ונמר עם-גדי ירבץ ועגל וכפיר ומריא יחדו ונער קטן נהג בם:

ופרה ודב תרעינה יחדו ירבצו ילדיהן ואריה כבקר יאכל-תבן:

ושעשע יונק על-חר פתן ועל מאורת צפעוני גמול ידו הדה:

לא-ירעו ולא-ישחיתו בכל-הר קדשי כי-מלאה הארץ דעה את-יהוה כמים לים מכסים:

והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד:

ישעיה פרק יד פסוק כט:

אל-תשמחי   פלשת   כלך כי נשבר שבט מכך כי- משרש נחש יצא צפע ופריו שרף מעופף:

תגובות